ainur_askarkyzy

Caption

Қайырлы күн! Қасиетті Рамазан айында жақсылық жасап, сауап көбейтіп жүрген жандардың біріміз. Осы видеоны әлеуметтік желіден көріп, жүрегім ауырды. Расында да Ғалымжан ағамызбен көп жылдардан бері араласамын. Өте сыйлы азамат. Атақты дана, абыз ағамыз Әбіш Кекілбайұлының інісі Ғалымжан ағамызды босатып, ақтау туралы бір қауым ел жиналғанын көріп отырмын. Аққа Алла жақ дейді, аман-есен үйіне оралып, тіпті абыройлы жұмысына да шығады деген үмітіміз бар. Данияр Аралбаев ағамыздың жазбасынан үзінді келтірейін🙏. “Ақтау қаласының бұрынғы әкімі, Маңғыстау облысы әкімі орынбасары өлкенің төл тумасы, өз қызметінің маманы Ғалымжан Мұқырұлы Ниязовтың үстінен кінәсіз іс қозғалып отыр. Аймақтық "Парасат" қоғамдық-саяси демократиялық қозғалысы облыстық Кеңесі, өлкенің көрнекті азаматтары, қоғам қайраткерлері мен еңбек ардагерлерінің ҚР-ның Президенті Қасым Жомарт Тоқаевқа жолданған өтініш үндеуін толықтай қолдайды. Президент Қасым Жомарт Кемелұлы маңғыстаулықтардың өтінішін елеусіз қалдырмай, азаматтың тағдыры шешілейін деп тұрған бұл мәселенің оң шешімін табуға себепші болады деп үміттенеді.” "Парасат" қозғалысы облыстық Кеңесі төрағасы, Данияр Аралбайұлының жазбасынан үзінді келтіріп отырмын. Өз басым Алладан дұға етіп, тілек тілеп отырмын. Жане де Президентіміз бұл жазбаны көріп, оң шешіп береді деп сеніп те отырмын. Әділдікті ту еткен ел ағалары қолдап, Алланың разылығы үшін осы жазбамды Қасым-Жомарт Кемелұлына жеткізіп, ағамыз ақтап шығады деген үмітіміз бар. Аққа Алла жақ болғай🙏🙏🙏! Қате кетіп, кінәсіз пенде қиналып қалмаса екен деп күнде тілек тілеймін. Осы жолы да елге қызмет еткен, өте іскер, салмақты да сабырлы, кәсіби маман ағамыздың елге қиянат жасады дегеніне сенбеймін. Алла ғана қателеспейді. Мүмкін қандай да бір қателік болар. Бәрі тура шешіліп жақын арада ағамыз үйге оралады деген үмітіміз бар. Еліміз аман, жұртымыз тыныш болсын! Әр қазақ менің ЖАЛҒЫЗЫМ! @tokayev_online #Аллажарболсын