CRDB Bank Foundation

Caption

Taasisi yetu ya CRDB Bank Foundation kwa ushirikiano na Mbunge wa Viti Maalumu ambaye ni Mwenyekiti wa Umoja wa Wanawake Tanzania (UWT) Mkoa wa Dodoma, Mheshimiwa Dkt. Neema Majule, imetenga zaidi ya shilingi bilioni 1 kwa ajili ya kuwawezesha vijana na wanawake wajasiriamali pamoja na makundi maalumu mkoani Dodoma. Akikabidhi mfano wa hundi wa mikopo hiyo, Mkurugenzi Mtendaji wetu wa CRDB Bank Foundation, TullyEsther Mwambapa amesema tangu ushirikiano huo ulipoanza mapema Februari, tayari wamefika kwenye kata zote 209 za Mkoa wa Dodoma ambako zaidi ya wajasiriamali 5,300 kutoka vikundi 50 wamefikiwa na kupewa elimu ya fedha. Kati ya vikundi 50 tulivyovifikia, vikundi 16 vimekidhi vigezo vya kupewa mkopo vikiwahusisha wanachama 80 ambao tayari wameidhinishiwa zaidi ya shilingi milioni 113.975. Licha ya uwezeshaji huo wa fedh ataslimu kwa ajili ya kukuza biashara za wajasiriamali waliokidhi vigezo, Taasisi pia imekabidhi vitimwendo 25 kwa Taasisi RhemaEduction Foundation inayoongozwa na Mheshimiwa Dkt. Majule. Mheshimiwa Dkt. Neema Majule ameishukuru CRDB Bank Foundation kwa umakini iliouonyesh akwa kipindi chote cha kuzunguka katika kata zote 209 za Mkoa wa Dodoma na kuzungumza na wajasiriamali akisema wamekutana na watu wenye nia ya kukuza biashara zao.