TBC DIGITAL

Legenda

Mke wa aliyekuwa Waziri wa Nchi, Ofisi ya Waziri Mkuu (Sera, Bunge, Uratibu na Wenye Ulemavu), na Mbunge wa Isimani, William Lukuvi, Germina Lukuvi, ametoa salamu za shukrani kwa serikali na Rais Samia Suluhu Hassan kwa niaba ya familia ya Lukuvi, kwa kufanikisha mazishi ya kitaifa ya mumewe aliyefariki dunia Machi 25, 2026. Katika salamu hizo za shukrani, familia hiyo imeelekeza shukrani za dhati kwa viongozi wote wa dini walioshiriki kuongoza Ibada za Misa Takatifu kuanzia Dodoma, Dar es Salaam, Iringa Mjini, na Idodi, bila kuwasahau viongozi wa kimila wakiongozwa na Chifu wa Wahehe, Mtwa Adam Abdul Adam Sapi Mkwakwa. Aidha, Germina amewashukuru wote walioonyesha ushirikiano wakati familia hiyo ikipitia kipindi hicho kigumu, ikiwemo wake wa viongozi (Millenium Group), madaktari na wauguzi, vyombo vya habari, wananchi wa jimbo la Isimani, na wananchi wote wa Tanzania.